آخر الأخبارقضايا وحوادث

أستاذ فيزياء بجامعة الخرطوم يفتتح محلاً للخضر والفاكهة

الخرطوم : السودان نيوز

✒منتصر موسى مساعد – كلية الطب  يكتب…

زيارة لأستاذنا في محل الخضر و الفواكه بتاعو !

الليلة كان افتتاح محل الخضر و الفاكهة الخاص بأستاذنا العزيز/ محمد يوسف- أستاذ الفيزياء بكلية العلوم جامعة الخرطوم و كلية الطب سابقاً.
أستاذ محمد ظلّ بيضرب أروع أمثلة لينا على الكسب الحلال و السّعي عشان الزول يقيم نفسه و يساعدها.

عندو فلسفة مبهرة جداً في البيع!
أسعار كل الخضروات و الأصناف الموجودة أقل من سعر السوق بصورة لافتة و محيّرة و بي جودة تفوق المعروض في الأسواق و لمن سألناه ليه الأسعار دي كدا و كيف بتحددها؟
قال إنو ما بيحدد الأسعار بناءً على السوق و ارتفاع الأسعار فيه، لكن بيحددها بالسعر الاشترى بيهو و بيحت عليه ربح بسيط جداً جداً.
أهم مقولة كان بيرددها إنو: ” البيعة الرخيّة صدقة خفية”
الحاجة دي طبعاً سببت ليه مشاكل في كل الحتات الاشتغل فيها في بيع الخضر و الفواكه في الفترة الفاتت لأنو بيبقى عندو زبائن بعدد كبير جداً بيشيلوا خضار بالأسبوع بسبب الجودة و الأسعار في نفس الوقت اللي في ناس تانين جنبو بيبعوا بأسعار غالية و جودة مشابهة أو أقلّ حتى.
المحل جنوب دار الأساتذة- جامعة الخرطوم و بيستهدف من خلال الأساتذة و العاملين بالجامعة و الأهمّ من كدا طلّاب و طالبات الداخليات اللي ممكن يستفيدوا جداً من قرب المسافة و الأسعار المنخفضة جداً مقارنةً بالسّوق.

دعوة لي كل الناس إنهم يشّرفوا المحل بالزيارة و إن شاء الله حيبقوا زبائن دائمين👌🏿

✒منتصر موسى مساعد – كلية الطب

#شبكة_السودان_نيوز

مقالات ذات صلة

اترك رد

زر الذهاب إلى الأعلى
%d مدونون معجبون بهذه: