*لما يسطو انقلاب عسكري(والعياذ بالله)علي السلطة في بلد
*فان اول مايقوم به هو فركشة منسوبي العهد القبلو تحت اي مسمي
*تطهير
*تهكير
*صالح عام
*فائض عمالة
*حتي ولو اضطر لالغاء الوظيفة كي يصبح شاغرها فائض وظيفي
*ثم بعد ذلك يشتغلوا في ده زول ناس فلان وده زولنا وده مامعانا لكن ماضدنا
*ثم يعملوا علي ابادة كل إنجازات العهد القبلهم
*حتي ولو كانت مفيدة للبلد
*وحتي بعد الثورات بحصل كدة برضو
*لانو الفكرالانقلابي متمدد حتي عند المدنيين
*ياخ البرلمان
*بنتو حكومة مايو
*وعشان الحق الادبي
*عملت السور باعمدة
*السور دائر مايدور
*خمسة وعشرين عمود قصير
*وخمسة اعمدة طويلة
*وده بقي تاريخ امة
*وتاريخ حقبة
*جينا نحنا بعد انتفاضة ابريل
*قطعنا عمود من كل خمسة عمدان طويلة
*عشان يبقن ستة وعشرين عمود قصير
*واربعة اعمدة طويلة
*رمزية لثورة ابريل التوجت في ستة ابريل
*وكضب ساي
*الثورة لم تشيد البرلمان
*القائمون علي الامر وقتها تعدوا علي حق امة دون وجه حق
*فمن حق الاجيال القديمة ان تتملك الحقائق الكاملة عن التاريخ الذي سبقها
*هذا الفهم الانقلابي
*هو نفسه الفهم الاداري رياضيا
*فمجلس اتحاد او مجلس نادي
*اول مايفكر فيه
*هو مسح آثار القبلو
*لدرجة مجلس النادي ممكن يشطب لاعبين لان ارتباطهم بالنادي ارتبط بمجلس آخر
*منتهي الدكتاتورية والتخلف نمارس بها العمل العام
*ثم نكذب
*ندعي نصرتنا للمرأة
*ونعلن ضرورة وجودها الي جانب اخيها الرجل
*وبعضنا ينظر اليها من زاوية لاتختلف من نظرت اي جزار للحمة
*بل ولانخفي عنها تلك النظرة القذرة
*بل ويمكن ان نشترط عليها شروطا كي ندعمها انتخابيا ونضمها لقائمتنا
*ده سببو الجهل وتلميع ناس لايستحقون الا اعادت التربية وتغيير السلوك
*لذا
*سنظل نتفرج علي الآخرين
*ونفتح خشومنا دهشة
*طالما يقود العمل الرياضي عندنا مثل هؤلاء
*ومن اين اتي هؤلاء؟؟؟؟
*المهم*
*اخبار تسجيلاتنا شنو؟؟؟؟؟
*واستراتيجيتنا شنوووو؟؟؟؟
*وفي موضوع الاستاد عملنا شنووووو؟؟؟
*فنحن من زمن الكاردينال بنسمع باضاءة الجوهرة الجديدة جات*
*ولانري الا ظلاما دامسا
*هو الكلام بقروش!!!!!
*ايها الناس
*ان تنصروا الله ينصركم
*اها
*نجي لي شمارات والي الخرتوم*
*كان شفت يا والينا
*البرد يجينا
*الحر يجينا
*الخريف يجينا
*باعوضتكم مابتخلينا
*سلك كهربا*
ننساك كيف والكلب قال مرة باعوضة قرصتني في اضاني والله قايلها الناظر
والي لقاء
سلك
#شبكة_السودان_نيوز
